Asteburuko partidak, kronikak

Infantil neskak
UKE A-Ereintza B 23-9
Partido ona jokatu zuten larunbatean Urnietan. Errenteriakoak oso txikiak ziren, eta laster somatu zen fisiko desberdintasuna oso handia zela. Hala ere, partida polita izan zen, taldekide guztiek golak eta aukerak izan zituzten, hurrengo eguneko lehia kontutan izanik.

Aiala-UKE A 15-15
Azkenik jokatu zuten elurragatik atzeratutako partida. Somatzen zen azken partidua zela, eta presiorik gabe jolastean gauza oso politak atera ziren. Azkenean, puntu banaketa, eta orain kopan pentsatzea tokatzen da.

Ereintza A-UKE B 18-2
Gogoa zuten urnietako neskek liga amaitzeko. Ezin izan da azken postua utzi, baino gero eta hobeto ari dira jolasten. Aipatzekoa defentsan aldatu den joera, batez ere atezainaren lana goraipatu behar da azkenaldian. Ea kopan atakean gehiago animatzen diren eta gol gehiago sartzen dituzten, abilezia badute eta.

Infantil mutilak
UKE-Ama Guadalupe 15-29
Ligako azken jardunaldia itxura ona ematen amaitu zuten urnietako txikiek. Irundarrak oso gainetik pasa ziren, baino etxekoak ez ziren kikildu, eta gogor eutsi zioten partidari. Aipatzekoa da erasoan lortu duten hobekuntza, garaipenak laster iritsiko dira.

Kadete neskak
Atsedena

Kadete mutilak
Atsedena

Senior mutilak
Ordizia-UKE 30-29
Bigarren itzuliko lehen partida izan zen. Partida oso kontzentraturik hasi zuten, Iosuk atea giltzapetu zuen eta erasoan gauzak ateratzen ziren. Hala ere, oraindik jende asko falta da errotazioetan, eta azkenera nekea somatzen hasi ziren. Azken 10 minutuetan partidoa konpontzeko aukera izan zen, baino ez zuten zorterik izan jaurtiketetan. Aste honetan Zarautz jasoko dute Urnietan, urteko lehen garaipena iristeko irrikitan daude.